Í tilefni af 88 ára afmæli Hússtjórnarskólans á Hallormsstað ætlar fyrrum nemandi og kennari skólans, Katrín Jóhannesdóttir eða Katý, að heimasækja okkur í skóginn með útsaumsnámskeið. Fyrsta skólasetning var 1. nóvember 1930 og því upplagt að halda upp á afmælið með útsaumshelgi 2. - 4. nóvember. 

Námskeiðið hentar öllum, byrjendum eða lengra komnum. Um er að ræða heila helgi með möguleika að velja staka daga.

Nánari upplýsingar og skráning hér.  

Þingmenn norðausturkjördæmis komu og heimsóttu skólann mánudaginn 1. október, skoðuð húsnæðið og fengu kynningu um sögu og starfsemi hans. Boðið var til kvöldverðar þar sem nemendur og starfsfólk komu saman ásamt þingmönnum. Þingmönnum varð boðið að sitja til borðs með nemendum og fóru fram líflegar umræður yfir dýrindis kvöldverði. Nemendur undirbjuggu sveppafyllt lambalæri með ofnbökuðum kartöflum og rótargrænmeti, sveppasósu og fersku rófusalat.  

Þingmenn í Höll skólans; Steingrímur J. Sigfússon, Sigmundur Davíð Gunnlaugsson, Þórunn Egilssdóttir, Logi Einarsson, Njáll Trausti Friðbertsson, Bjarkey Olsen Gunnarsdóttir, Anna Kolbrún Árnadóttir, Líneik Anna Sævarsdóttir og Albertína Friðbjörg Elíasdóttir. Kristján Þór Júlíusson var fjarverandi.  

Takk fyrir komuna, samveruna og stuðninginn.

Nemendur og starfsfólk, 

haustannar 2018 

Haldinn var fyrsti aðalfundur Hollvinasamtaka skólans fimmtudagskvöldið 4. október. Stjórnin fór yfir ársskýrslu, ársreikning og viðburði á vegum þeirra síðsta árið. Einnig spennandi verkefni komandi vetrar. Næsta laugardag 13. október standa Hollvinir fyrir sláturdegi í skólanum. 

Takk fyrir komuna og ávallt gaman að fá gesti í skólann. 

Forsetahjónin Guðna Th. og Eliza heimsóttu Hússtjórnarskólann á Hallormsstað. Nemendur og starfsfólk sýndu forsetahjónunum skólann og starfsemi hans. 

Hér að hópmynd tekin fyrir framan skólann af Guðna og Elizu með trefilinn, starfsfólki og nemendum. 

Guðni fékk kennslu í vefnaði frá Ernu Rún nemanda skólans og var hann efnilegur að mati hennar. Sigrún Blöndal stofnandi skólans lagði mikla áherslu á vefnaðarnám og tók saman kennsluefni á íslensku í bók sinni Íslenzk vefnaðarbók. Skólinn leggur mikla áherslu á að standa vörð um handvefnað á Íslandi og þann menningararf sem honum fylgir. Matreiðslunemendur buðu upp á hvítsúkkulaði skyrmús með nýtíndum bláberjum, bláberjasafti og brenndu hvítu súkkulaði. Í kveðjugöf og þakklæti fyrir heimsóknina færði Paivi Vaarula vefnaðarkennari skólans þeim handofin trefil úr alpakka silke sem hún sjálf óf.

Takk fyrir komuna,

nemendur og starfsfólk haustannar 2018