Námskeið og styttri námsleiðir

 

Nám við skólann svarar kröfum gamla og nýja tímans.

Nám við Handverks- og hússtjórnarskólann á Hallormsstað er krefjandi og nútímalegt en byggir í senn á gömlum hefðum. Við skólann starfa sérfræðingar á sviði matreiðslu og gæðaeftirlitis, í heilbrigðisfræðum og í fjölbreyttu handverki.

Námið er verkefnatengt og veitir víðtæka þjálfun og þekkingu. Áhersla er lögð á undirstöðugreinar í matreiðslu og gæðaeftirliti, heilbrigðu líferni og fjölbreyttu handverki, til að mynda vefnað, prjón og hekl, útsaum og fatagerð. Með fjölbreyttum fagsviðum tileinka nemendur sér alhliða kunnáttu og aðferðarfræði ólíkra fagasviða skólans.

Námskeið skólaveturinn 2016-2017 

Boðið er upp á námskeið í flestum áföngum skólans sem kenndir eru samkvæmt stundaskrá hverju sinni. Þátttaka er takmörkuð í vissa áfanga s.s. matreiðslu, vefnað og fatasaum. Vinsamlegast sendið póst á netfangið hushall@hushall.is  eða hringið í síma 471 1761 til að fá frekari upplýsingar. 

Helgar- og kvöldnámskeið eru auglýst sérstaklega.   

Vefnaðarnámskeið 10. - 12.  og/eða 17.- 19. mars 2017 - skráning og upplýsingar hushall@hushall.is eða í síma 471 1761

Styttri námsleiðir, spönn helmingur af önn.

Námið byggja á áföngum hússtjórnarbrautar skólans og veitir viðurkenndar framhaldsskólaeiningar. Uppbygging og samsetning námsins veitir traustan og fræðilegan grunn með áherslu á mismunandi fagsvið skólans. Nemendafjöldi er takmarkaður sem eykur gæði kennslunnar og persónuleg tengsl nemenda og kennara.

Hægt er að velja á milli þriggja námsleiða á spönn:

Hússtjórnarnám

Námið byggir á grunnáföngum hússtjórnarbrautar þar sem farið er inn á öll fagasvið brautarinnar; matreiðslu og gæðaeftirliti, hreinlætisfræði, heilbrigðisfræði og fjölbreytt handverk.

Verð 240.000 kr.

Matreiðsla

Námið byggir á áföngum í matreiðslu og gæðaeftirliti, hreinlætisfræði og heilbrigðisfræði.

Verð 220.000 kr.

Handverk

Námið byggir á áföngum í fatagerð, vefnaði, prjón og hekl, útsaum, hreinlætisfræði og heilbrigðisfræði.

Verð 280.000 kr.

Innifalið í styttri námsleiðum er heimavist, fullt fæði á námstíma, kennslugögn og allt efni samkvæmt kennsluáæltun hvers áfanga. Sjá nánari lýsingu á áföngum undir Námið á heimasíðu skólans. Allir á heimavist taka þátt í húsþrifum, herbergjaþrifum og umsjón með mötuneyti skólans.

Sækja um spönn 

Næstu spannir byrja:                    

Fyrri hluti vorannar 2017                             9. janúar til 3. mars

Seinni hluti vorannar 2017                           6. mars til 13. maí 

Sótt er um spönn á heimasíðu skólans undir umsóknir. Tilgreinið námsleið í umsókninni.

Ef frekari upplýsinga er óskað er hægt að hafa samband með tölvupósti hushall@hushall.is eða í síma 471 1761.

logolinur nyr