Hússtjórnarskóli Hallormsstaðar

Í Hússtjórnarskóla Hallormsstaðar er boðið upp á textílgreinar og matarhönnun. Hvort tveggja byggir á sköpunarkrafti og hönnunarhugsun þar sem menningararfur og nútímatækni fara saman. Námið hentar vel nýstúdentum og ungu fólki sem stefnir í skapandi greinar eða matreiðslu. Umhverfið veitir ríkulegan innblástur í einstakri nálægð við friðsæld og náttúrufegurð.

Skólahúsið er í gömlum, sérstökum burstarbæjarstíl, fagurt og býr yfir góðum anda. Heimavistin býður notaleg herbergi og vinnuaðstaða í skólanum er góð, þar sem reyndir kennarar og starfandi fagmenn leiðbeina nemendum. Skólinn er í hjarta skógarins með útsýni yfir Lagarfljótið. Við erum aðeins 27 km frá Egilsstöðum en steinsnar frá afurðum skógarins, norðurljósunum og kyrrðinni. 

 

Skólinn og reyniviðurinn