Í gær var haldinn stofnfundur Hollvinasamtaka skólans. Margt var um manninn í Höll skólans og þökkum við öllum þeim vinum sem gerðust stofnaðilar. Kosið var í fyrstu stjórn samtakanna og óskum við þeim innilega til hamingju. 

 

Talið frá vinstri: Gyða Guttormsdóttir, Harpa Rós Björgvinsdóttir, Védís Klara Þórðardóttir, Halla Eiríksdóttir og Ásta Margrét Sigfúsdóttir formaður.

Til okkar komu nemendur frá Menntaskólanum á Tröllaskaga, Verkmenntaskólanum á Austulandi og Menntaskólanum á Egilsstöðum á Fardögum. Dagarnir voru vel nýttir og nemendur lærðu að matreiða, sauma og vefa. Hér er mynd af hópnum - takk fyrir að koma og njóta með okkur í skóginum.

 

 

Á þessum ánægjulegu tímamótum hvetjum við alla hollvini skólans til að mæta, þiggja léttar veitingar og taka þátt í stofnun Hollvinasamtaka skólans. 

Stofnfundur Hollvinasamtaka Hússtjórnarskólans á Hallormsstað, verður haldinn í skólanum finntudaginn 27. apríl kl. 18:30.

Dagskrá fundar:

1. Kosning fundarstjóra og ritara. 

2. Stofnun Hollvinasamtaka skólans.

3. Tilnefning og kosning í stjórn samtakanna. 

4. Önnur mál. 

Allir velkomnir. 

Hollvinir, skólanefnd og starfsfólk

Vefnaðarnámskeið í Handverks- og hússtjórnarskólanum á Hallormsstað fyrir byrjendur. Námskeiðið stendur frá föstudags eftirmiðdegi til sunnudags og eru tvær helgar í boði; 10.-12. mars og/eða 17.-19. mars. Margvísleg vefnaðar verkefni standa til boða t.d. trefill, værðarvoð, púðarborð eða tuskumotta. Uppistöður eru tilbúnar í vefstólunum og kostnaður þeirra mismunandi eftir stærð verkefna, 3.000 - 1.500 kr. Þátttakendur geta komið með eigið garn og efni til að vefa með en einnig er hægt að kaupa efni í skólanum. 

Kostnaður við námskeiðshelgi er 40.000 kr. og er innifalið 16. klst námskeið, léttur hádegisverður laugardag og sunnudag. Hámarksfjöldi er 5 manns. Leiðbeinandi er Sigríður Björnsdóttir vefnaðarkennari við skólann, sigga@hushall.is 

Kannaðu rétt þinn á styrk frá þínu stéttarfélagi!

Skáning á hushall@hushall.is eða í síma 471 1761.